Bung 9

Rinna: kohhran chanchin a|anga thlirna

Kohhran chanchinah thurin chi hrang hrang a awm \euh thu bung hmasa lamah kan sawi nual tawh a. Thu vu vûk an nih mai loh dan leh mi pakhat thu mai an nih loh dan pawh a chiang viau tawh ang. Chu’ng zinga a langsar zual thenkhat chauh lo thlir leh ila.

Augsburg Confession 1530[1] an tih chuan ‘mihring leh Pathian inrem lehna (reconciliation) chu rinna (faith) kal tlanga lo thleng a ni a. Chumi awmzia chu Krista hminga (Christ’s sake) kan sualte ngaihdam a ni tih kan rin (believe) hian inremna chu a lo awm tihna a ni.[2] Kohhran chanchin ziaktu langsar tak Pelikan leh Hotchkiss-te chuan hei hi sawi zuiin ‘Krista hminga/tana (sake) duhsaknaa (favour) dawnsawn kan nih thu kan rin (believe) hian inrem lehna kan nei thei a ni (when we believe that we are received into favour for Christ’s sake, we get reconciliation) tiin an hrilhfiah a.[3] Augsburg Confession-ah hian rinna (faith) leh ring (believe) tih thu kan hmu kawp a. Kan rin (believe) hian rinna (faith) a lo awm a, chu rinna chu Pathianah a chawl/innghat thin zawk a ni.

Scots confession, 1560 an tih chuan rinna (faith) chu tisa leh thisen a\anga chhuak ni lovin Thlarau Thianghlim tihnunna/thawkkhum (inspiration) a\anga lo awm a nih thu a sawi.[4]

Helvetic Thurin Pahnihna (Second Helvetic Confession, 1566) pawhin rinna (faith) chu Pathian thilpêk liau liau (pure gift from God) a ni a ti bawk. He thurin hian a sawi zel dan chuan, Pathianin ama duhdan angin, a duh duh hnenah a duh tâwk tâwkin a pe mai a ni. Amaherawhchu chu rinna chu Thlarau Thianghlim kal tlangin Chanchin =ha leh bang lova \awng\aina avangin Pathian chuan a pe zawk a ni tiin a sawi.[5]

Synod of Dort 1618-19 pawhin rinna (faith) chu ringtu tak tak te leh Krista chhandam te hnena Pathian thilthlawnpêk a ni a. Tuma hnena A bat ni lo, Pathian khawngaihna a\ang chauhva dawn a ni tiin a puang chhuak bawk.[6]

Chutiang a nih mek lai chuan Belgic Thurin 1561 thung chuan rinna (faith) chu kan felna Krista kan pawma kan neih theihna hmanrua a ni. Isua Krista chu kan felna a ni a. Rinna (faith) chu thiam chantîrtu ni lovin, Pathian nena min inpawltîr theitu a ni tiin a sawi thung.[7] He thurin sawidanah hi chuan rinna chu felna kan neih theihna hmanrua chauh a ni.

Westminster Confession of Faith, 1647 chuan rinna (faith) chu mi thlante (elect) thinlunga Krista Thlarau hnathawh, an nunna/thlarau (souls) chhandam a nih theih nana an rin theihna hi a ni a ti.[8] He thurin hian thlante chauh sawi bîk mah sela rinna chu Krista Thlarau (the spirit of Christ) hnathawh a ni a ti a ni. Keimahnia Pathian hna thawh a ni reng a, amaherawhchu he thurin hian TMEF sawi ang maia Pathianin mihringte hnena eng thil emaw a pêk vu vu chu niin a sawi lo. Thil pawimawh deuh mai pakhat a lo lang nawlh mai a. Westminster thurin hian thlarau chhandam thu a sawi hian soul a hmang a. Hei pawh hi rannungte pawhin an neih nunna, thlarau leh taksa inkara mi sawina ni lovin mihring thlarau sawina a ni.

Kohhran thurin hrang hrangah hian rinna chungchânga thu puanchhuah inang lo tak tak kan hmu hlawm. Lehlam leh lamin \anfung an nei ve ve. Pathian pêk tih a nih lai mêkin hmanrua tia sawi a ni tho bawk a. Heng thurinte hi a khawi lam ve ve pawh hi a rinawm ve ve sia, a buaithlak duh hle mai. Engpawh nise Kohhran innghahna Bible hi luhchilh zel a tul a ni.

---

[1] Number lo awm \hin hi heng thurin an duan chhuah emaw an hman tan kum emaw tihna a ni.

[2] Pelikan and Hotchkiss, Creeds and Confessions, vol. II, 71.

[3] Ibid.

[4] Ibid., 394.

[5] Ibid., 488.

[6] Ibid., 580.

[7] Ibid., 416.

[8] Ibid., 587.